冰毒

冰毒，學名「甲基安非他命」，俗稱「大力丸」或冰，係一種白色、無臭味、味道略苦、令人好快上癮嘅結晶粉末狀興奮劑。

特點係直接產生強烈嘅歡快感，但快感亦都會極速消失，因此用家會連續吸食，造成快感－失落嘅無限循環。

用咗佢後好難瞓得著，有機會患上抑鬱同精神病。長期使用對健康造成好多不良後果，包括極度消瘦、嚴重嘅爛牙問題，以及皮膚因抓痕而引起潰瘍﹙冰瘡﹚。

使用冰毒會提升感染愛滋病病毒、乙肝和丙肝嘅風險，亦都會令愛滋病病毒感染者/患者嘅病情惡化。

特別提醒：長期使用冰毒對腦部的傷害很大，可會引致多疑、被害妄想、幻聽或幻覺（例如有蟲爬感覺）；這些症狀在停止使用後能持續數月。

亞硝酸

亞硝酸烷酯，俗稱 Poppers, Rush，通常裝喺樽仔內，一打開就釋出氣體。

它可舒張血管同放鬆肛門周圍嘅肌肉，從而提高性快感。開心嘅效果只會持續幾分鐘，所以有用家會短時間內重複吸來維持興奮狀態。

副作用包括劇烈嘅頭痛、噁心、頭暈，可能會引起陽痿，長期損害免疫系統。

其特性係高度易燃，用嘅時候最好遠離香煙同蠟燭。

亞硝酸烷酯已經喺《毒藥規例》（CAP138B）中被列為毒藥。

特別提醒：一定唔可以同偉哥同時使用！原因係可能會引致血壓驟降，然後導致昏厥、心臟病發、中風、昏迷，甚至死亡。

偉哥

偉哥，又名V仔，最初開發嘅時候係用來醫心臟病，但係而家則經常用喺醫治陽痿。

原理係它可舒張血管，令更多血液流入「細佬」度。

副作用包括頭痛、噁心同有心癮。

特別提醒：一定唔可以與Poppers同時使用！因會引致血壓驟降，導致昏厥、心臟病發、中風、昏迷，甚至死亡。

大麻

大麻，俗稱「草」、「牛」、「花」，通常用喺捲煙或者煙槍上面吸食嘅迷幻劑。

副作用包括擾亂你嘅感覺同情緒、集中力弱、判斷力同協調度有障礙、解困能力變差，學習能力和記憶受損。

大麻煙會刺激肺部。一如長期食煙嘅人一樣，經常吸食會引致好多呼吸系統問題，例如咳嗽痰多、急性肺部疾病，仲增加患肺炎嘅風險。

氯胺酮

氯胺酮，俗稱「K仔」，係麻醉劑，獸醫常用作鎮靜劑，係無色透明嘅液體，經過蒸發可以轉化為類似可卡因鹽酸鹽嘅白色結晶粉末。在香港主要以粉末狀出現，最常用嘅包裝方法係以紙仔或者紙幣包住吸食。

有人形容「索K」後會覺得自己好似脫離現實世界，自己的感官好像縮係身體裡一角，外面嘅環境和人物會變得距離自己好遠而不真實。出現幻覺，或好似在高速飛行、失重狀態中嘅感覺，或近似靈魂離體「出竅」。

用後可能會精神錯亂、言語不清、記憶力受損、運動功能和協調障礙，呼吸系統或者心臟更可能會出現問題，長期服用，會有藥物依賴。

特別提醒：長期使用「K仔」可能引起尿頻、尿急、甚至失禁。

搖頭丸

搖頭丸，又稱「Fing頭丸」、「E仔」、「忘我」，係一種合成嘅精神藥物，具有興奮劑（安非他命）同迷幻劑（麥司卡林）兩者嘅特徵。通常以口服用膠囊或者片裝出現。

特徵是能夠增加能量、幸福感、溫暖感同同情感，扭曲個人感受同對於時間嘅知覺。

其引起幸福溫暖感嘅特徵尤其用喺性愛嘅環境裡面，所以好易令用家做出唔安全嘅性行為，咁就係感染同傳播愛滋病病毒、肝炎嘅風險因素。

副作用包括頭腦混亂、抑鬱、疲勞、失眠、心癮和焦慮等。用家可能喺食藥後、或者甚至幾日至幾個禮拜之後，依然不斷產生上面所講嘅負面效果。

可卡因

可卡因，俗稱「可樂」，係由原產於南美洲嘅古柯植物葉子製成，係一種強而有力、令人成癮嘅興奮劑。

其粉末狀可以經由鼻吸入或者溶於水中服用，甚至注射入血裡面。所產生嘅興奮效果嘅強度同持續性視乎服用嘅方式。特徵係短期內產生快感、力量，同好多嘢講。

副作用係好易變得急躁同產生迫害感，尤其對噪音好敏感，好易情緒波動、陽痿、影響記憶力同感官、喪失嗅覺，好易流鼻血同長期聲音嘶啞。

注射可卡因可以導致用家有嚴重過敏反應，增加感染愛滋病、丙型肝炎嘅機會，以及其他血液傳染疾病嘅風險。

G水

G水(GHB)，學名「γ-羥丁酸」，喺一種無色、略帶鹹味而且水溶性甚高嘅液體。

它可抑制中樞神經系統。有人會用G水嚟提高性興奮以及提升其他藥物嘅效果，但咁樣其實好危險，會增加進行不安全性行為嘅機會。

濫用G水可引致嘔吐、肌肉無力、顫抖、癲癇、有侵略性行為甚至判斷力受損。經常服用會產生耐藥性，令每次服食嘅劑量越來越高。但高劑量嘅G水會導致渴睡、昏迷、甚至死亡。長期服用可導致上瘾，如果突然停止服食就會引起失眠、冒汗、心跳血壓提高，甚至會出現精神錯亂。

有報導話G水有時用嚟做派對迷姦藥。受害人嘅飲品會被人偷偷混入G水。

γ-羥丁酸喺《危險藥物條例》(CAP134) 中被列為危險藥物。

特別提醒：千祈唔好將G水同酒精或者K仔同時使用！因為咁樣會抑制呼吸系統，最終可致死亡。